Федераль максатчан программалар хисабына фундаменталь һәм эзләнү фәнни тикшерүләрен үткәрүне финанслау туктатыла

Россия Президенты Владимир Путин 2013 елның 20 декабрендә узган Фән һәм мәгариф усоветы тырышы нәтиҗәләре буенча йөкләмәләр исемлеген имзалаган. Документ Кремль сайтына урнаштырылган.
Россия Федерациясе Хөкүмәтенә фән өлкәсендә эшләр башкаруга дәүләт заказын формалаштыру системасын оптимальләштерү мәсьәләсен карау йөкләнде.
РФ Президенты, фәнни тикшеренүләр үткәрүдә федераль бюджет акчасын файдалануның нәтиҗәлелеген күтәрү өчен, фундаменталь һәм эзләнү фәнни тикшерүләрен федераль бюджетның федераль максатчан программаларын гамәлгә ашыруга бирелә торган акча хисабына финанслауны туктатырга һәм шул юнәлештәге тикшеренүләрне грантлар хисабына финанслауга күчерергә тәкъдим итте.
Россия Хөкүмәте белән Россия Фәннәр академиясенә эре фәнни-техник һәм социаль-икътисад ипрограммалар һәм проектлар эшләү буенча чаралар планын эшләү һәм раслау зарур. Моннан тыш, 2014 елның 1 маенда фәнни хезмәктәрләренең гыйльми эшчәнлектә югары нәтиҗәләргә ирешкән аерым категорияләренә хезмәт хакын арттыру буенча тәкъдим әзерләргә кирәк.
Шулай ук Хөкүмәт Россия Фәннәр академиясе, Россия Медицина фәннәре академиясе һәм Россия Авыл хуҗалыгы фәннәре академиясе карамагындагы милек һәм кадрлар ресурсларын аларны Фәнни оешмалар федераль агентлыгына тапшырылган көннән алып, ел дәвамында саклауны тәэмин итәргә тиеш.
Мәгариф һәм фән министрлыгына, Россия Фәннәр академиясе белән бергә, Россия фәнни журналларына дәүләт ярдәме чаралары турындагы тәкъдимнәр әзерләү йөкләнә.