ТР мәгариф һәм фән министры мәктәп директорларына куркынычсызлык чараларын көчәйтергә тәкъдим итте

ТР Премьер-министры урынбасары – мәгариф һәм фән министры Энгель Фәттахов республиканың уку йортлары җитәкчеләренә куркынычсызлык чараларын көчәйтергә тәкъдим итте. Искәртеп узабыз, бүген Мәскәү мәктәбендә укучылар заложникка алынды, полиция хезмәткәре һәм укытучы һәлак булды.
Фаҗигале вакыйга белән бәйле рәвештә, ТР Мәгариф һәм фән министрлыгы, мәгариф оешмаларында пропуск режимын катгый контрольгә алу, террорчылыкка каршы көрәш таләпләрен үтәү зарур, дип белдерә.
Бу хатта мәгариф оешмасы җитәкчесе балалар тормышы һәм сәламәтлеге өчен җаваплы булуы да искә төшерелә.
Мәгариф оешмалары җитәкчеләренә, педагоглар һәм укучыларның ата-аналары арасында, аңлату эшләре алып барырга кирәк.
Моннан тыш, ТР Мәгариф һәм фән министрлыгы матбугат хезмәте җитәкчесе Алсу Мөхәмәтова белдергәнчә, мәгариф идарәсе тарафыннан муниципаль органнарга 4-8 февральдә хокук саклау органнары һәм башка контрольдә тотучы структуралар хезмәткәрләре белән бергә мәгариф учреждениеләрендә саклык дәрәҗәсен тикшерү, шулай ук, куркынысызлык дәрәҗәсен күтәрү чараларын тәэмин итәргә тәкъдим ителде.