Татарстанда Мәскәү белән берлектә муниципаль белем бирү системаларын үстерүгә корылган проект эшләнә

Хәзерге вакытта республика җитәкчелеге белән килешү буенча Россия мәгариф академиясе әгъза-мөхбире, педагогика фәннәре докторы А.М.Кондаков командасы белән берлектә “Татарстан перспективасы: алдан күзаллауга нигезләнгән мәгариф системасы үсеше моделенә таба” дип аталган социомәдәни белем бирү проекты эшләнә. Бу хакта кичә ТР Мәгариф һәм фән министрлыгының 2013 елга нәтиҗәләр чыгару һәм агымдагы елга максат-бурычлар билгеләүгә багышланган коллегия утырышында ТР Премьер-министры урынбасары - ТР мәгариф һәм фән министры Энгель Фәттахов хәбәр итте.
Әлеге проект республиканың уңайлы, җәмгыять һәм икътисад куйган таләпләргә җавап бирә торган белем бирү җирлеген үстерүне күз алдында тота. Бу документның үзенчәлеге шунда: ул гаилә, җәмгыять һәм дәүләт куйган көчне арттыруны планлаштыра. Анда кызыксыну белдергән бөтен министрлыклар һәм ведомстволарның актив катнашуы көтелә.
“Шуңа күрә, проектны эшләүдә һәм тормышка ашыруда төп урын, барыннан да элек, муниципаль белем бирү системаларын үстерүгә бирелә. Монда безнең барлык проблемаларыбызны исәпкә алырга һәм аларны хәл итүнең конкрет юлларын барларга һәм механизмнарын эшләргә мөмкинлегебез бар”, - дип белдерде министр.