Өч телне белсәң генә...

25 апрельдән 6 июньгә кадәр республика җитәкчелеге Чехиядә “Прага мәктәбе “Сәләт” белем бирү мәктәбе оештырырга җыена. Ни өчен аны нәкъ менә шунда үткәрергә булганнар? Анда яшьләр нәрсә белән шөгыльләнәчәк? Моннан берничә ел элек безнекеләр ул җирлектә белем биреп караган булган. Аның нәти¬җә¬ләре уңышлы дип табылган.
Әмма даими финансланмау аркасында программаны дәвам итү мөмкин булмаган. Республика мәгариф һәм фән министры итеп Энгель Фәттахов билге¬ләнгәч, бу хакта сөйләшү булган, ул әлеге фикерне хуплаган. “Алгарыш” программасы буенча “акыллы баш”¬лар чит илләрнең алдынгы вузларында укып кайтса, бу проект исә яшь¬ләрне командада эшләргә өйрә¬тәчәк. Прага дигәндә, анда “Азатлык” радиосы, безнең журналистлар эшли, соңгы вакытта якташларыбыз активлашкан. “Прага – фәннәрнең, мәдәни багла¬ныш¬ларның куерган урыны. Без¬нең балаларга анда белем алу файдалы булыр дип уйладык. Республика өчен кирәкле белгеч¬ләрне тәрбия¬ләргә җыенабыз. Безгә мәгълү¬мати технологияләр, гуманитар өлкәдә белгечләр, алдынгы журналистлар җитми”, – ди “Сәләт” фондының вице-пре¬зи¬денты Җәү¬дәт Сөләйманов.

Чит илдә уку тәмен белгәннәр туган якларына кире кайтырмы соң? “Гадәттә мондый сорау үзләре генә китүчеләргә кагыла. Бу очракта яшьләр төркемләп бара, алар ул вакыт эчендә бер-берсенә ияләшә, тартыла. Аларда республикага кайтып эшне дәвам итү теләге туачак. Бу – безнең мохитне көчле итә, республикага файда китерә торган проект”, – ди Җәүдәт Шәүкәтович.

Проектта катнашырга теләү¬челәргә рус, татар, инглиз телләрен белү таләбе куела. Белем алучыларны укучы, студентлар, яшь белгечләр арасыннан сайлап алачаклар. “Монда глобаль проектлар турында сүз бармый. Төрле авырлыкларны хәл итү юллары эзләнә. Яшьләр сәясәте, мәктәп идарәсе, икътисад, яшьләр эшмәкәрлеге кебек проектлар турында сөй¬ләшә¬чәкбез. Без ничек эшләргә икәнлеген өйрәтмибез, бергәләп эшлибез”, – ди әлеге программаның директоры Анна Фельдман.

Мәктәп өч этапта оештырыла. Финалга 36 кеше узачак. Катнашырга теләк белдерүчеләр prague¬school.ru сайтына кереп тер¬кәлергә, анкета тутырып, сайлап алу турын үтәргә тиеш. 28 мартта катнашучылар исемлеге билгеле булачак.