2014 елда БДИ нинди булачак?

- Татарстанда быел 11нче сыйныфны – 20 мең, ә 9нчы сыйныфны 36 меңнән артык укучы тәмамлый.

- Укучылар нинди сынау бирәсен 1 мартка кадәр ачыклап бетерергә тиеш.

- Быел контроль-үлчәм материалларын бердәм дәүләт имтиханнары пунктларына тапшыру буенча республикада эксперимент уздырыла. Бу БДИның алдан бирү этабына кагыла. Имтихан материаллары пунктка электрон вариантта тапшырылып, кәгазьгә шаһитлар күз алдында чыгарыла.

- БДИ биремнәренең – бер өлеше, ә тугызынчы сыйныф укучылары бирә торган ДЙА биремнәре тулысынча Интернетка куелган. Мондый “ачык банк” булдыру укучыларга белемнәрен алдан тикшереп карау мөмкинлеге бирә.

- Сәгать вакытлары төрле булганга, төбәкләр өчен төрле биремнәр эшләнгән, аларның саны арттырылган.

- Республикада имтихан пунктлары киметелә. Бездә ул 107 булачак.

- Барлык пунктларга да видеокамералар урнаштырмакчылар.

- Укучылар оештыручы һәм металл эзләү җайланмасы аша тикшереп кертелә.

- Имтиханнар барышы кайбер пунктларда он-лайн күрсәтелә һәм икенчеләрендә оф-лайн режимда язылып бара.

- Җәмәгать күзәтүчеләре саны арта. Алар имтиханда, аны тикшерү барышында катнаша ала.

- Быел Дәүләт имтихан комиссиясе рәисе аерым ау¬диторияләрдә һәм имтихан уздыру пунктларында имтиханны туктата һәм анда сынау биргәннәрнең эшләрен тикшерүгә яраксыз дип таба ала.

- 2014 елда бердәм дәүләт имтиханнары биремнәренә әллә ни үзгәрешләр кертелми.

- Минималь баллар күләме бер фәннән дә үзгәрми, ягъни былтыргы кебек кала.

- Имтихан вакыты үзгәрми.

- Бер төбәк икенче төбәкнең имтихан нәтиҗәләрен тикшерәчәк.

- БДИ белешмәсе 4 елга яраклы.