Робот ясарга өйрәтмәкчеләр

Республикада яхшы инженерлар, техниклар җитми. Әлеге проблеманы хәл итү өчен мәктәпләрдә техник түгәрәкләрне җанландырмакчы булалар. Сабыйлар балалар бакчаларыннан ук лего-роботлар ясарга өйрәнәчәк. Совет заманында техник түгәрәкләр оештыру алга киткән булса, соңгы елларда алар игътибардан читтә калган иде. Түгәрәкләрнең юкка чыгуы техник белгечләр кытлыгына китерде. Татарстан Мәгариф һәм фән министрлыгы инженер белгечлек¬ләрен, техник иҗат эшчән¬леген үстерү эшенә кереште.

“Мәктәптән соң дәрес” проекты балаларда нәкъ менә техник иҗатка мәхәббәт тәр-бияләүне күздә тота. Бу проектка ике елга 300 миллион сумга якын акча бүлеп бирелгән. Бүген барлыгы 38 тәҗрибә мәйданчыгы, 300 гә якын техник түгәрәк эшли. Анда 4 меңнән артык укучы шөгыльләнә. Һәрбер район һәм шәһәрдә тәҗрибә мәй¬данчыгы, алдынгы техник мәктәп булырга тиеш дигән таләп куелган. Робот техникасына аеруча игътибар бир¬мәкчеләр. Өстәмә белем бирү системасында робот техникасы юнәлешен үсте¬рү¬гә багышланган семинарда мә¬гариф министры Энгель Фәттахов балаларны кече яшьтән үк лего-роботлар ясарга өйрәтергә кирәкле¬ген ассызыклады. “Бөек¬бри¬та¬ниянең Кембридж университеты инженерлык фәннәре иң алга киткән вузлардан санала. Анда беренче курс балаларына робот ясау техникасы бирәләр. Алар проект эшлә¬ре, программалаштыру бе-лән шөгыльләнә. Робот ясау техникасы үзаңны үс¬терә, ул балаларның сәләтен ачыкларга, киләчәген бил¬геләргә ярдәм итә. Бүген икътисад яхшы белгечләр әзерләүне таләп итә. Инженер белгеч¬ләрдән башка сәнәгатьне үстерә алмыйбыз”, – ди ул.

Алга таба республикада техник түгәрәкләр саны тагын да артачак, диләр. Бакчалардан башлап һөнәри уку йортларына кадәр укыту программалары булдырылачак. Белгечләрне КФУ базасында һәм техник үзәктә әзерләмәкчеләр. Бер робот ясау техникасы мәйдан¬чы-гын булдыру 3-5 миллион сумга төшә. Май аенда фән-техника фестивале кысаларында WRO 2014 робот техникасы буенча халыкара олимпиаданың беренче республика сайлап алу этабы була. Казанда олимпиаданың бөтенроссия этабы уза. Халыкара финал ноябрь аенда Мәскәүдә үтәчәк.