Казанда WorldSkills Russia-2014 II Милли чемпионатта катнашу өчен заявкалар кабул итү тәмамланды

8 майда WorldSkills Russia-2014 II Милли чемпионатта катнашу өчен заявкалар кабул итү тәмамланды. Ул 16 майдан 20 майга кадәр Казан шәһәрендә үтәчәк.
Чемпионатта катнашучылар, экспертлар һәм тим-лидерлар исемлеге әзерләнгән. Бирегә Россиянең 50 төбәгеннән килгән 18-23 яшьлек 600дән артык эшче һөнәрләре вәкилләре кертелгән: ташчылар, балтачы, электрчы, техник, пешекче, косметолог һ.б. Үз һөнәре буенча иң яхшылары исеменә иң зур күргәзмә мәйданында – “Казан ярминкәсе” комплексында ярышачаклар. Чемпионатта 35 комплект медаль уйнатылачак, һәр компетенциядә алтын медальга һәм сентябрь аенда Францияда узачак Европа чемпионатында илебез данын яклауга лаек булган чемпион билгеләнәчәк.
Чемпионат регламенты Олимпия уеннарын хәтерләтә. Ачылу тантанасында хөкүмәт вәкилләре, Россия министрлыклары һәм ведомстволары, шулай ук чараларда WodldSkills Internationalның илкүләм лидеры господин Саймон Бартли һәм аның Россиядәге хезмәттәше Павел Павлович Черных катнашачак.
ММЧ вәкилләре өчен билгеләнгән формада аккредитация уза. Аккредитация үтер һәм өстәмә мәгълүмат алу өчен түбәндәге почта аша хәбәр итергә мөмкин: Media.info@kazan2015.com.
Казандагы чемпионат сайты: http://wsr-kazan2014.ru/. Биредә чемпионатта катнашучылар нинди өлкәләр буенча ярышачагы, конкурс чаралары, оештыручылар, документлар һәм
вакыйгалар турында мәгълүмат алырга мөмкин.
WorldSkills Russia сайты http://worldskills.ru/.