Сәләтле балалар өчен үткәрелгән “Уңыш академиясе” профиль сменасы тәмамланды

2014 елның 1 маеннан 10 маена кадәр “Костер” республика балаларны сәламәтләндерү-белем бирү үзәгендә 8-11нче сыйныф укучыларын БДИ һәм ДЙАга әзерләү буенча “Уңыш академиясе” дип аталган профильле смена узды. Укучылар математика һәм рус теле фәннәре буенча белемнәрен тирәнәйтте. Рус теле укытучысы Мөлекова Э.Н. һәм математика укытучысы Алишев Р.Н. балаларга кызыклы һәм катлаулы биремнәр тәкъдим итте.
БДИ һәм ДЙАга әзерләнү спорт һәм күңел ачу программалары белән чиратлаштырып алып барылды. Методик кабинет җитәкчесе Миронова М.А. һәм әйдаманнар һәрбер чараны бик тырышып әзерләде. Малайлар һәм кызлар “С миру по нитке” интеллектуаль уены, “Интуиция” күңел ачу чарасы, “Крестики-нолики” бәйгесе, спорт уеннары, “Комический футбол” команда уенында бик теләп катнашты.
Укучылар өчен ата-аналар һәм балалар мөнәсәбәтенә багышланган кыскаметражлы “Брелок” фильмын карау һәм фикер алышу, Бөек Җиңүгә багышланган “Форт Боярд” уенында катнашу да бик мавыктыргыч булды.
Смена ахырында укучылар укытучыларына һәм әйдаманнарга рәхмәт йөзеннән концерт күрсәтте. Укучылар әзерләгән лагерь тормышы турындагы һәм рәхмәт сүзләре язылган китап “Костер” үзәге өчен иң истәлекле бүләкләрнең берсе булып сакланыр