Казан WorldSkills Russia-2014 II Милли чемпионаты катнашучыларын каршы алуын дәвам итә

Казанга WorldSkills Russia-2014 II Милли чемпионатында катнашучылар һәм экспертлар килүен дәвам итә. Шушы көннәрдә Татарстан Республикасы Премьер-министры урынбасары- мәгариф һәм фән министры Энгель Фәттахов җаваплы ведомстволар вәкилләре белән берлектә WorldSkills Чемпионаты өчен конкурс мәйданчыклары әзерлеген тикшерде. Бөтен эш урыннары да ярышларны башлар өчен әзер диярлек. Бүгенге көнгә 700дән артык кеше теркәлгән, алар арасында җанатарлар, экспертлар, катнашучылар, тим-лидерлар һәм озатучылар бар. Барлыгы РФ субъектларыннан 1000нән артык кеше катнашыр дип көтелә. Австралия, Финляндия, Канада, Бельгия, Риикаа, Швейцария, Германия, Армения, Австрия, Украина, Белоруссия һәм Казахстаннан килгән экспертлар инде “Казан ярминкәсе” комплексы территориясендә эшли. Алар конкурста катнашучыларның эшләрен бәяләү критерийлары һәм WSR Чемпионаты регламенты буенча эшләрне оештыру өчен җаваплы.