“IТ-чемпион” республика конкурсында 100 меңнән артык мәктәп укучысы катнаша

“ИТ-чемпион” конкурсы 15 мартта башланды. Әлеге вакыт эчендә конкурста 100 963 бала катнашты. Аларның логиннары олыларның uslugi.tatarstan.ru Татарстан Республикасы дәүләт һәм муниципаль хезмәтләр порталындагы шәхси кабинетында сакланган.
Конкурста иң актив катнашучылар рәтендә Яшел Үзән, Теләче, Арча, Мөслим районнары һәм Казан шәһәре мәктәп укучылары исәпләнә.
Республикада баллар күләме буенча Яшел Үзән муниципаль районы Осиново авылында В.В.Карпов исемендәге лицей укучысы Екатерина Дырина лидерлардан санала.
Иң актив Топ-10 мәктәпләр исемлегенә Теләче, Тукай, Буа, Яңа Чишмә, Балтач һәм Чүпрәле, Нурлат, Әтнә районнарыннан мәктәп укучылар керде.
Исегезгә төшерәбез, “IT-чемпион” конкурсы кысаларында мәктәп укучылары олыларга Татарстан Республикасы дәүләт һәм муниципаль хезмәтләр порталы хакында сөйлиләр, шәхси кабинетлар белән эшләргә һәм электрон хезмәтләрне түләргә өйрәтәләр. Һәр этап нәтиҗәләре буенча һәр муниципаль районнан өч мәктәп укучысы ноутбуклар белән бүләкләнәчәк.