Татарстан Республикасы мәктәпкәчә белем һәм тәрбия учреждениеләренең рус телле тәрбиячеләрен татар теленә өйрәтү курслары башланды

2014 елның 30 июненнән 2 августына кадәр Г.Тукай исемендәге Арча педагогия көллияте базасында “Рус телле тәрбиячеләрне татар теленә өйрәтү программасын тормышка ашыру кысаларында мәктәпкәчә белем һәм тәрбия учреждениеләре тәрбиячеләренең коммуникатив компетентлыгын камилләштерү” дигән темага белем күтәрү курслары үткәрелә.
Әлеге курслар мәктәпкәчә белем һәм тәрбия учреждениеләрен кадрлар белән тәэмин итү максатыннан 2010 – 2015 елларда мәгарифне үстерү Стратегиясе “Киләчәк” программасы нигезендә үткәрелә.
Курслар 2 тапкыр үтә ( беренче төркем – 2014 нче елның 30 июненнән – 19 нчы июльгә кадәр; икенче төркем – 14 июльдән 2 августка кадәр).
30 нчы июньнән – 19 нчы июльгә кадәр үткәрелүче беренче төркемгә Татарстан Республикасының Алексеевск, Яшел Үзән, Кайбыч, Балтач, Биектау, Кукмара, Лаеш, Югары Ослан, Мамадыш районнарыннан 100 тәрбияче килде.
Дәресләрне Г.Тукай исемендәге Арча педагогия көллияте укытучылары үткәрә. Курслар дәвамында лекцион һәм практик дәресләр, Арча шәһәренең белем һәм тәрбия учреждениеләрендә мастер-классларда катнашу каралган.