География фәне буенча Бөтенроссия мәктәп укучылары олимпиадасы региональ этабында җиңүчеләр билгеле
2015 елның 16-17 гыйнварында Татарстан Республикасында география фәне буенча Республикакүләм мәктәп укучылары олимпиадасы (8 сыйныф укучылары өчен) һәм география фәненнән Бөтенроссия мәктәп укучылары олимпиадасының региональ этабы үтте. Республикакүләм олимпиадада - 56, Бөтенроссия олимпиадасының региональ этабында 91 укучы катнашты. Олимпиада ике турда үтте: теоретик тур (мәсьәлә чишү) һәм тестлар-карталар белән эшләү. Сынау нәтиҗәләре буенча география фәненнән Республикакүләм олимпиада җиңүчесе дип Яр Чаллы шәһәренең 77нче гимназиясенең 8нче сыйныфында укучы Регина Әхмәдуллина табылды, ә әлеге гимназиянең икенче укучысы Иван Охлопков география фәне буенча Бөтенроссия мәктәп укучылары олимпиадасы региональ этабында беренче урынны яулады.