Түбән Кама мәктәбе компаниясе Россиянең иң яхшы компаниясе дип табылды

30 гыйнварда Мәскәүдә Россия Сәүдә-сәнәгать палатасы конгресс-үзәгендә Төбәкара мәктәп компанияләре күргәзмә-ярминкәсе узды. Ярышларда Россия төбәкләреннән 26 мәктәп команиясе катнашты. Әлеге ярышта Татарстан данын алты мәктәп компаниясе –“Фортуна” ( Түбән Кама шәһәренең 10нчы мәктәбе), “РамАрт” (Болгар шәһәренең 2нче мәктәбе), “Tricky Book” (Әлмәт шәһәренең 75нче мәктәбе), “Интернатива” (Казан шәһәренең 35нче мәктәбе), “Вожатый 2.0” (Казан шәһәренең Лобачевский исемендәге лицее), “Flawles” (Казан шәһәренең 7нче гимназиясе) катнашты. Төбакара ярышларның җиңүчесе дип Түбән Кама шәһәреннән “Фортуна” командасы табылды. Түбән Кама укучылары 2015 елның март аенда Австриянең Вена шәһәрендә үткәреләчәк халыкара Мәктәп укучылары слетында Россия һәм Татарстан данын яклыячак. Татарстан укучыларының хезмәте “Иң яхшы продукт” һәм “Иң яхшы маркетинг” номинацияләрендә дә билгеләнеп үтте. Әлмәт шәһәренең “Tricky Book” командасы бизнес-планнар конкурсының читтән торып үткәрелгән этабында җиңеп Мәскәүдә узачак эшмәкәрлек буенча ярышларда республикабыз данын яклыячак.