Казан һәм Яр Чаллы мәктәбе укучылары математика буенча Бөтенроссия олимпиадасы региональ этабы җиңүчеләре рәтендә

Бүген, 4 февраль көнне ТР Премьер-министры урынбасары – ТР мәгариф һәм фән министры Энгель Фәттахов математика фәне буенча Бөтенроссия мәктәп укучылары олимпиадасы региональ этабы җиңүчеләрен – Татарстанның иң яшь математикларын бүләкләде. Математика буенча үткәрелгән олимпиаданың региональ турында Татарстан мәктәпләрендә 8-11 сыйныфларда белем алучы 245 укучы катнашты. Жюри нәтиҗәләре буенча Бөтенроссия мәктәп укучылары олимпиадасы региональ этабы җиңүчеләре дип Казанның Н.И. Лобачевский исемендәге лицееның 11 сыйныф укучысы Александр Проскуряков, Яр Чаллы шәһәренең 26нчы гимназиясе 10 сыйныф укучысы Искәндәр Азангулов, Казанның 131 нче лицееның 9 сыйныфында укучы Әмир Ягудин, Казан шәһәренең 7нче гимназиясе 8нче сыйныф укучысы Кәрим Шамазов һәм Яр Чаллы шәһәренең 26нчы гимназиясе укучысы Александр Шеваров табылды.
Моннан тыш, республикада математика фәне буенча ел саен махсус 7 һәм 8нче сыйныф укучылары өчен Эйлер олимпиадасы үткәрелә. Быел әлеге олимпиадада Бөгелмә районы, Яр Чаллы һәм Казан шәһәрләреннән 42 укучы катнашты. Л. Эйлер исемендәге VII олимпиада призерлары – Яр Чаллы шәһәренең 26нчы гимназиясенең 7нче сыйныф укучысы Илья Половников, Казан шәһәре 7нче гимназиясе һәм 131нче лицейның 7 сыйныфында укучы Яна Шарандак һәм Эмиль Вахитов.