Казанда “PR көннәре – 2015” XII Бөтенроссия студентлар олимпиадасы уза

10-13 март көннәрендә Казан илкүләм тикшеренү техник университеты – КАИның икенче бинасында реклама һәм җәмәгатьчелек белән элемтәләр буенча “Казанда PR көннәре – 2015” XII Бөтенроссия студентлар олимпиадасы уза.
Чараны оештыручылар – РФ Мәгариф һәм фән министрлыгы, ТР Президентының эчке сәясәт мәсьәләләре буенча департаменты, Казан шәһәренең балалар һәм яшьләр эшләре буенча комитеты, җәмәгатьчелек белән элемтәләр буенча мөгаллимнәр ассоциациясе, Туполев исемендәге Казан илкүләм тикшеренү техник университеты – КАИ.
“Казанда PR көннәре – 2015” кысаларында Казанда мастер-классларны М.В Ломоносов исемендәге Мәскәү дәүләт университеты профессоры Людмила Минаева, «Imagine Group» агентлыгы (Казан шәһәре) генераль директоры Виталий Денисов һәм башкалар уздырачак. Алар премиум класслы товарларны алга этәрүнең нәтиҗәле коралы буларак вакыйгаи маркетинг, Интернет челтәрендә реклама агентлыгын алга сөрү кебек темаларга чыгыш ясаячак.
Олимпиаданың ачылышы иртәгә сәгать 10 га билгеләнгән. Программада шулай ук тестлаштыру, мөгаллимнәр өчен фәнни-методик конференция, пресс-релизларга конкурс, иҗади бәйге бар.