Татарстан Республикасының мәгариф һәм фән министрлыгында "Балаларны тәрбиягә алучы ата-аналар берләшмәсе" утырышы үткәрелде

2015 елның 9 июнендә Татарстан Республикасының мәгариф һәм фән министрлыгында “Балаларны тәрбиягә алучы ата-аналар берләшмәсе” утырышы үткәрелде.

Анда түбәндәге актуаль сораулар каралды:

- 2015 елда  балаларны тәрбиягә алучы гаиләләрнең җәйге ялы;
- республика этабында балаларны тәрбиягә алучы гаиләләрнең Рәсәй ассамблеясе үткәрелүе;
- гаиләгә балаларны алучы ата-аналарның 2 нче форумында күтәрелгән мәсьәләләр.

Татарстан Республикасының мәгариф һәм фән министрлыгы 2015 елда 5324 баланың сәламәтләндерүен планлаштыра (2014 елда – 5550 бала). Алар арасында 12 балалар йортыннан, интернат мәктәпләреннән 1449 бала һәм интернат мәктәпләреннән мөмкинлекләре чикләнгән балалар  шәһәр яны лагерьларында  ял итәчәк (2014 елда – 1800 бала).

Кара диңгез буендагы шәһәр яны лагеренда 150 балага җәйге ял оештырыла (80 бала – балалар йортыннан, 70 бала – гаиләгә тәрбиягә алынган балалар).

2015 елның август аенда республикабызның  “Учак” исемендәге  сәламәтләндерү лагеренда гаиләдә тәрбиягә  алынган 150 балага һәм 50 ата-анага  ял оештырылачак.