Казанда “Югары уку йортының иң яхшы яшь укытучысы - 2015” конкурсының финалы җитте

19 июньдә сәгать 2дә Казанда “Югары уку йортының иң яхшы яшь укытучысы - 2015” конкурсының финалы башлана.

Татарстан башкаласының Халыклар дуслыгы йортында булачак чараны Казан каласы Башкарма комитетының Балалар һәм яшьләр эшләре комитеты, Казанның Яшь галимнәр һәм белгечләр советы уздыра.

Конкурс, гыйльми яшьләрнең активлыгын арттыру, һөнәри үсеш өчен шартлар булдыру һәм яшь галимнәрнең шәхес буларак үсешенә булышу максатыннан, 2008 елдан бирле югары уку йортларының яшь укытучылары арасында үткәрелә.

Аерым алганда, читтән торып катнашу этабында конкурсантлар үзләрененң портфолиоларын тәкъдим иттеләр, биредә аларның фәндәге уңышлары гына түгел, укытучының иҗтимагый тормышы да яктыртылган иде.

Казан мэриясе матбугат хезмәте хәбәр иткәнчә, барлыгы 16 гариза бирелгән булган, түбәндәге югары уку йортларының иң актив һәм иҗади яшь укытучыларының 8е финалга үткән:

- Казан (Идел буе) федераль университеты;
- Казан архитектура-төзелеш университеты;
- Казан дәүләт энергетика университеты;
- Казан дәүләт аграр университеты;
- Россия Федерациясе Эчке эшләр министрлыгының Казан юридик институты;
- Физик культура, спорт һәм туризмның Идел буе дәүләт академиясе;
- Икътисад, идарә һәм хокук институты;
- Россия кооперация университетының Казан кооператив институты.