Казанда 6 объект мәктәпкәчә белем бирү учреждениесе урнаштыруга каралган

Быел мәктәпкәчә белем бирү учреждениесе урнаштыруга дип 6 объект билгеләнгән һәм шуны башкарып чыгуга 111,2 млн сум каралган. Нәтиҗәдә, шуларда 375 балага урын булачак. Шушы объектларның барысында да капиталь төзекләндерү эшләре башланган һәм, гомумән алганда, 60 процентка үтәлгән.

Бүген Казан каласы җитәкчелегенең “эшлекле дүшәмбе” киңәшмәсендә шәһәр Башкарма комитетының капиталь төзелеш һәм реконструкция идарәсе башлыгы Марат Сәмигуллин шул хакта бәян итте. ТР Президенты Р.Миңнеханов башлангычы белән кабул ителеп, республикада 2012 елда гамәлгә кертелгән һәм 5 елга исәпләнгән мәктәпләрне капиталь төзекләндерү программасы кысаларында шулай ук балаларны карау-тәрбияләү процессы өчен кирәкле булганнар белән комплекслы тэмин ителә, мисалга, ризык әзерләү җиһазларыннан алып төркем бүлмәләрен җиһазлауга кадәр, диде идарә башлыгы.