Рөстәм Миңнеханов Чаллыда яңа балалар бакчасы ачты

2015 елның 6 июле, дүшәмбе
Бүген эш сәфәре кысаларында Рөстәм Миңнеханов Яр Чаллы шәһәрендә яңа балалар бакчасын ачу тантанасында катнашты. Аны Татарстан Республикасы Премьер-министры урынбасары - мәгариф һәм фән министры Энгель Фәттахов, Яр Чаллы шәһәре Башкарма комитеты җитәкчесе Наил Мәһдиев озата йөрде.
Балалар бакчасы шәһәрнең яшьләр микрорайоннарының берсендә урнашкан. Бинада методика бүлмәсе, медицина блогы, туган телне өйрәнү кабинеты, музыка һәм спорт заллары, шулай ук бассейн бар.
Тантанадагы чыгышында Татарстан Президенты вазифаларын вакытлыча башкаручы билгеләп үткәнчә, үткән ел республикада 56 яңа мәктәпкәчә балалар учреждениесе файдалануга тапшырылган, быел - 73. Бу – Татарстан тарихында абсолют рекорд, диде ул.
«Хәзер микрорайонда без яңа мәктәп төзи башлыйбыз. Икътисади яктан кыенлыклар бар, әмма без тырышачакбыз. Безнең алда торган төп бурыч – социаль инфраструктураны үстерү: яхшы балалар бакчалары, медицина хезмәт күрсәтүе, парклар һәм скверларны төзекләндерү», - диде Рөстәм Миңнеханов.
"Татар-информ" МА материаллары буенча
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык
Документлар
Матбугат хезмәте
Гражданнар мөрәҗәгатьләре
Адрес: 420111, Казан шәһәре, Кремль урамы, 9
Телефон: +7 (843) 222-78-10,
222-78-11, 222-78-12
Департамент: +7 (843) 237-74-84
Факс: +7 (843) 294-95-43
E-Mail: mon@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International