Татарстанның 9нчы сыйныфны тәмамлаган укучылары дәүләт йомгаклау имтиханын яңадан тапшырып карый

Бүген 9нчы сыйныф укучыларына төп урта гомуми белем бирү программалары буенча дәүләт йомгаклау имтиханын яңадан тапшыру мөмкинлеге бирелә. Төп дәүләт имтиханын яңадан тапшыру хокукы имтиханны тапшырмаган яки 1дән артыграк мәҗбүри фәннән канәгатьләнерлек билге алмаган, яисә дәүләт йомгаклау аттестациясендә бу фәннәрнең берсе буенча икенче тапкыр канәгатьләнерлек нәтиҗәгә ирешмәгән 9нчы сыйныф укучыларына бирелә. ТР Дәүләт имтихан комиссиясе тарафыннан йомгаклау сынавын узу өчен өстәмә этапка республиканың 749 чыгарылышы уздырылган.

Имтихан тапшыру имтихан үткәрү өчен каралган 15 пунктта оештырылган. Әлеге пунктлар видеокүзәтү һәм металл эзләгеч системалар белән җиһазландырылган, аларда хокук саклау органнары һәм сәламәтлек саклау оешмалары вәкилләре эшли. Аудиторияләрдә шулай ук офлайн режимында видеокүзәтү оештырылган.

Төп дәүләт имтиханын уздыру процедурасы бердәм дәүләт имтиханын үткәрү процедурасына максималь якынайтылган. Имтихан барышын җәмәгатьчелектән 22 күзәтүче бәяләячәк.

Искәртеп үтик: математика буенча төп дәүләт имтиханында линейка, төп урта гомуми белем бирү программаларында каралган математика курсының төп формулары тупланган белешмә материалдан файдалану рөхсәт ителә. Әлеге фән буенча сынауның дәвамлылыгы – 3 сәгать 55 минут.