"Китапка икенче сулыш бир" республикакүләм хәйрия акциясенә йомгак ясалды
Татарстанда "Китапка икенче сулыш бир" республикакүләм хәйрия акциясенә йомгак ясалды. Акция 2015 елның 22 июленнән 22 октябренә кадәр дәвам итте. Әлеге хәйрия акциясе мәктәп китапханәләре фондын укыту-методик, фәнни-популяр, белешмә һәм матур әдәбият белән баету максатыннан үткәрелде.
Акциядә республиканың 1 184 белем бирү оешмасы, 39 054 кеше катнашты. Мәктәп китапханәләренә 14 373 әсбап, 105 422 фәнни-популяр, белешмә һәм матур әдәбият бүләк ителде. Укучылар санына чагыштырмача бүләк ителгән китаплар саны буенча җиңүче муниципаль районнар исемлеге ачыкланды:
- Яңа Чишмә районы – 4 638 китап бүләк ителде (укучылар саны - 1 496);
- Лаеш районы – 8 394 китап бүләк ителде (укучылар саны – 3 527);
- Саба районы – 7 474 китап бүләк ителде (укучылар саны – 3 588);
-Иң күп китап бүләк итүче мәктәп: Лаеш районы Атабай урта мәктәбе, директоры: Хөсәенов Альберт Хәмит улы - 3 342 китап;
-Иң күп китап бүләк итүче - «Рухият» ПАҖ «Татнефть», башкарма директоры: Шәйхетдинова Флюра Абылмагдан кызы - 2 221 китап.