Россия Федерациясе халыклары телләрендә II төбәкара фәнни-гамәли конференция һәм укулар

2015 нче елның 28 нче октябрендә, Татарстанның Халыклар дуслыгы йортында “Күпмәдәниятле җәмгыятьтә милли телләрне саклау һәм үстерү” дигән темага Россия Федерациясе халыклары телләрендә II төбәкара фәнни-гамәли конференция һәм укулар үтте.
Конференция барышында укучылар фәнни-эзләнү эшләрен рус, татар, чуваш, башкорт, удмурт, мари, мордва телләрендә якладылар. Галимнәрдән,
хакимият органнары, милли-мәдәни автономия вәкилләреннән торган жюри
һәрбер чыгышны игътибар белән тыңлап үз бәясен бирде.
Нәтиҗәдә түбәндәге укучылар җиңүчеләр дип табылды:
1. Түбән Кама шәһәренең “Аерым фәннәрне тирәнтен өйрәнүче 31 нче мәктәп” укучысы Кузнецова Анастасия;
2. Казан шәһәренең “Аерым фәннәрне тирәнтен өйрәнүче 15 нче мәктәп” укучысы Камалиева Камила;
3. Чүпрәле муниципаль районы “Чуаш Чүпрәлесе урта белем бирү мәктәбе” укучысы Кудрявцева Татьяна;
4. Әгерҗе муниципаль районы “Сарсак-Омга лицее” укучысы Никифорова Ксения;
5. Краснокамск районы “Новая Бура урта белем бирү мәктәбе” укучысы Фаюршина Кристина;
6. Саранск шәһәренең “4нче лицей” укучысы Ким Эдуард;
7. Сибай шәһәренең “Сибай гимназия-интернаты” укучысы Ласынова Русалина.
Әлеге чара Казан шәһәре буйлап экскурсия белән тәмамланды.