Минзәләдә колледж һәм техникумнарда укучы студент кызлар катнашында үткәрелә торган традицион «Татар кызы-2015» республика бәйгесе узды

         2015 нче елның 19-20 нче  ноябрь көннәрендә Муса Җәлил исемендәге Минзәлә педагогия   колледжы базасында ел саен үткәрелеп килә торган “Татар кызы – 2015” республика бәйгесе узды. Биредә республикабызның төрле һөнәри уку йортларыннан – техникум һәм колледжлардан  килгән  35 студент кыз – татар милләтенең иң күркәм вәкилләре үзара көч сынашты.

        Кызлар күп төрле сынаулар аша үттеләр: татар әдипләренең әсәрләреннән алынган өзек буенча эшләнгән театр постановкасы сыйфатындагы визит карточкасын күрсәттеләр,  татар халкының тарихи үткәнен-бүгенгесен, татар әдәбиятын һәм мәдәниятен, милләтебезнең күренекле вәкилләрен яхшы белүләрен ачыклауны максат итеп куйган тест эшләделәр.

         Беренче көн нәтиҗәләре буенча, финалга түбәндәге студентлар уздылар:

Эльвира Гыйлаҗиева – Түбән Кама педагогия колледжы;

Айгөл Миңһаҗева – Бөгелмә һөнәри-педагогия колледжы;

Раилә Мөдәррисова – Әлмәт политехник техникумы;

Айназ Зарипова – Лениногорск  музыка-рәсем педагогия колледжы;

Алинә Насыйбуллина – Апас аграр колледжы;

Рания Галәлетдинова  – Казан информацион технологияләр һәм элемтә техникумы;

Алия Хаҗиева  – Яр Чаллы педагогия колледжы;

Ралия Низамиева – Казан  педагогия колледжы;

Илүсә Мөхәммәтгалиева – Габдулла Тукай исемендәге Арча педагогия колледжы;

Айзилә Ярмөхәммәтова – Түбән Кама техник колледжы;

        Финалга үткән кызлар татар хатын-кызларының милли киемнәрен, бизәнү әйберләрен, аларның тарихын, кулланылу һәм тегелү-бизәлү үзенчәлекләрен яхшы белүләрен; хуҗалык эшләренә дә оста булуларын, шулай ук җыр-биюгә һәм нәфис сүз сөйләүгә сәләтле икәнлекләрен күрсәттеләр. Бәйгенең барлык нәтиҗәләре буенча компетентлы жюри түбәндәге кызларны җиңүчеләр дип билгеләде: