ЯҢАЛЫКЛАР

16нчы февральдә Мамадышта инвалидлар арасында чаңгы ярышлары буенча Татарстан Республикасы чемпионаты узды. Чемпионатны ачу тантанасы башланыр алдыннан чаңгычыларга инвалидлар арасында биатлон һәм чаңгы ярышлары буенча дүрт тапкыр дөнья чемпионы Ирина Полякова һәм чаңгы ярышлары буенча паралимпия чемпионы Рушан Миңнегулов котлау сүзләрен җиткерделәр.

15нче февральдә Болгарда "Олимп” балалар-яшүсмерләр спорт мәктәбе базасында мини-футбол буенча ярышлар узды.

Февраль дәвамында Россиянең барлык төбәкләрендә дә «Ата-аналар белән бердәм БДИ тапшыру көне» акциясе узачак, дип хәбәр итә акция инициаторы – Мәгариф һәм фән өлкәсендә федераль хезмәт матбугат хезмәте.

Татарстан Республикасы Мәгариф һәм фән министрлыгы тарафыннан татар телен укытуның сыйфатын күтәрү өчен 2016 елдан “Казан һәм Чаллы мәктәпләренең рус телле төркемнәрендә эшләүче татар теле укытучыларын методик сертификатлаштыру” проекты гамәлгә ашырыла.

Казан шәһәре Совет районының 141 нче урта мәктәбе базасында "Ел укытучысы-2019” һәм "Педагогик дебют-2019” Бөтенроссия конкурсының зона этабы узды. Конкурсларда Татарстан башкаласының төрле мәктәпләреннән 12 педагог катнашты.

Мамадыш интернат-мәктәбе укучылары УНИКС (Казан) һәм «Химки» (Мәскәү өлкәсе) баскетбол командалары арасында матчка бардылар.

15нче февральдә Бөгелмә шәһәренең 14 нче татар гимназиясендә Һади Атласи исемендәге төбәкара яшьләр укулары узды. 

Бүген Кайбыч муниципаль район Советының 30 нчы утырышында Татарстан Республикасы Премьер-министры урынбасары – мәгариф һәм фән министры Рафис Борһанов катнашты.

13нче февральдә тугызынчы сыйныф укучыларының барысы да мәҗбүри рәвештә рус теле буенча йомгаклау әңгәмәсен тапшырдылар.

14нче февральдән 16нчы февральгә кадәр “Патриот " республика спорт-патриотик һәм армиягә кадәр яшьләрне әзерләү үзәге базасында яшь армиячеләр катнашында «Җиңү» республика хәрби-спорт уены үткәрелә.