ЯҢАЛЫКЛАР

Э. Фәттаховның фикеренчә, яңа күнекмәләр алу мөмкинлеге бирелгәндә, аннан һичшиксез файдаланырга кирәк.

27 нче декабрьдә Н.Ә.Гәлләмов исемендәге девиант тәртипле балалар һәм яшүсмерләр өчен республиканың махсус гомуми белем бирү мәктәбе укучылары янына Кыш бабай үзенең ярдәмчеләре – Кар кызы, 133 нче һәм 65 нче мәктәп укучылары белән Яңа ел бәйрәменә кунакка килделәр. Балалар кунакларны бик шатланып каршы алдылар. Бу очрашуда укучылар һәм килгән кунаклар концерт номерлары күрсәттеләр. Татлы күчтәнәчләрдән тыш Кыш бабай мәктәп укучыларына спорт инвентаре, уку-язу әспаблары һәм мәктәп мунчасына мич бүләк итте.

ТР Мәгариф һәм фән министрлыгында ел нәтиҗәләренә багышланган очрашуда ТР Премьер-министры урынбасары - Мәгариф һәм фән министры Энгель Фәттахов бу елны үзе өчен авыр ел булды дип санавын җиткерде. Чөнки ул мәгариф өлкәсенә башка тармактан килеп кергән кеше.

ТР Дәүләт Советында бу уку елында мәктәпләрдә, уку йортларында “Парламент дәресе” проекты кысаларында оештырылган иҗат эшләре бәйгесендә җиңүчеләрне бүләкләү татар халкы тарихына һәм мәдәниятенә мөрәҗәгать итүдән, күңелләргә үтеп керерлек итеп “Әллүки”не сузудан башланып китте. Укучыларны тәбрикләргә дип килгән спикер Фәрит Мөхәммәтшин, ТР Премьер-министры урынбасары - Мәгариф һәм фән министры Энгель Фәттахов, ТР Иҗтимагый палата рәисе Анатолий Фомин һәм башка рәсми затлар үзләре залда кунак булып утырды. Татарстандагы ике дәүләт теле дип игълан ителгән татар һәм рус телләре бүген, чыннан да, дәүләт телләре булуын раслады. ТР Дәүләт Советы Рәисе Фәрит Мөхәммәтшин да, гадәттәгечә, үз чыгышында телләр сәясәтенә тәфсилләп тукталды.

“Татар-информ” мәгълүмат агентлыгының татар редакциясе хәбәрчесе Римма Гатина ТР Мәгариф һәм фән министрлыгы уздырган “Класс эше” бәйгесе нәтиҗәләре буенча “2013 елда ТРда мәгариф һәм фән темасын яхшы яктырту” номинациясендә бүләкләнде. ТР Мәгариф һәм фән министрлыгында ел нәтиҗәләренә багышланган очрашуда ТР Премьер-министр урынбасары – Мәгариф һәм фән министры Энгель Фәттахов диплом һәм акчалата бүләк тапшырды.

Яңа ел бәйрәмнәре алдыннан “Костер” республика балаларны сәламәтләндерү-белем бирү үзәге информатика (18.12.13 – 26.12.13) һәм хокук (21.12.13 – 26.12.13) фәннәренә интенсив өйрәтү буенча республика сменасында катнашучыларны каршылады. Информатика һәм хокук буенча республика олимпиадаларының призерлары һәм резервтагы катнашучылары төрле дәрәҗәдәге олимпиадаларга бик җитди әзерләнәләр. Н.Г. Нигъмәтуллина (Санкт-Петербург) һәм И.Р. Җиһаншина (Мәскәү) үткәргән дәресләрдә укучылар төрле катлаулы мәсьәләләр чиштеләр.

РФ Мәгариф һәм фән министрлыгының Мәгариф һәм фән өлкәсендә күзәтчелек итү буенча федераль хезмәт (Рособрнадзор) 2014 елда Бердәм дәүләт имтиханнары (БДИ) тапшыруның бердәм расписаниесе проектын әзерләде.

Татар теле һәм әдәбияты буенча Халыкара олимпиада уздыруның оештыру комитеты бәйгенең Интернет-тест формасындагы беренче (сайлап алу туры) тәмамлану турында хәбәр итә. Ул 16-20 декабрь көннәрендә узды. Беренче тур нәтиҗәләре КФУның abiturient.kpfu.ru порталында 2013 елның 27 декабренә кадәр билгеле булачак.

Алабугада 400 балага исәпләнгән яңа бакча төзелешенә һәм искесен төзекләндерүгә республика бюджетыннан 180 миллион сумнан артык акча бирелгән. Тик мондый үзгәрешләргә шәһәрнең башка оешмаларында булган хәрәкәт тә сәбәп булган.

19 декабрьдә “Росток” үзәгендә “Ата-аналарга – тәрбия ысуллары турында” дип исемләнгән Ата-аналар клубы утырышы үтте. Ул тәрбия ысуллары һәм балалар белән ата-аналар мөнәсәбәтләренә багышланган иде. 28 әти-әни катнашкан әлеге утыршыта кинотерапия уңышлы файдаланылды.