Мамадышта Камил Әхмәт улы Вәлиев исемендәге Идел буе фәнни-гамәли конференциясе узды

2018 елның 18 феврале, якшәмбе

Конференцияне оештыручылар – Татарстан Республикасы мәгариф һәм фән министрлыгы, Татарстан Республикасы фәннәр академиясе, “ТИСБИ” идарәсе университеты ЮНЕСКО халыкара кафедрасы, Мамадыш шәһәре академик К.А.Вәлиев исемендәге 2-нче лицей.

Конференциядә Казан, Яр Чаллы, Әлмәт, Түбән Кама, Башкортостан, Чуваш, Удмурт, Киров өлкәсе, Мәскәү, Владивосток, Ханты-Мансийск автономия округы мәктәп укучылары һәм укытучылар катнашты.

Секция кысаларында укучылар 15 номинациядә эшләрен яклады. Җиңүчеләр һәм призерлар дипломнар белән бүләкләнделәр.