Фурсенко 2012 елда стипендияләрне арттыру буенча эшне дәвам итәргә сүз бирде

Россия Федерациясе мәгариф һәм фән министры Андрей Фурсенко ведомствоның мохтаҗ студентлар һәм бишлегә укучылар өчен стипендияләрне арттыру буенча 2012 елда эшен дәвам итәчәгенә ышандырды.

"Без стипендия белән тәэмин итүне яхшырту өстендә эшне дәвам итәчәкбез, без социаль яктан яклауга мохтаҗ һәм укуда яхшы нәтиҗәләргә ирешүче балаларның стипендияләрен кирәгенчә арттырга тиешбез", - диде министр “Россия 24” телеканалына биргән интервьюсында. Киләсе елда вуз укытучыларының хезмәт хакларын арттыру буенча да эш дәвам итәчәк, диде Фурсенко. Ул 2011 елда ректорлар алдына вузлардагы уртача хезмәт хакларын региондагы уртача хезмәт хакларына кадәр җиткерү бурычы куелган булуын искә төшерде. “Бу мәсьәләне хәл итмәгән ректорларның премияләре киселеп, әлеге премия коллективка хезмәт хакын түләү фондына күчерелү шарты да куелган иде”, - диде Фурсенко. Аның сүзләренә караганда, быел шул рәвешле 130 миллион сумнан артык акча күчерелгән инде. Фурсенко киләсе елда фәнгә ярдәм итү фондларына бюджеттан өстәмә акчалар да җәлеп итү мөмкин булыр дип өметләнә.