Мәктәпкәчә белем бирү өлкәсендә дәүләт-шәхси партнёрлык проектларын гамәлгә ашырып килгән муниципаль берәмлекләргә грантлар аша ярдәм

Бүген, 29 декабрь көнне, “Егоза” балалар бакчасында (Чистополь урамы, 38, “Магеллан” торак комплексы) мәктәпкәчә белем бирү өлкәсендә дәүләт-шәхси партнёрлык проектларын гамәлгә ашыручы учреждениеләргә “Киләчәк”-“Будущее” программасы кысаларында грант алуга сертификатлар бирү тантанасы узачак.

Татарстан Республикасында 2010-2015 нче елларга “Киләчәк” - “Будущее” мәгарифне үстерү стратегиясе кысаларында Татарстан Республикасы муниципаль берәмлекләре арасында мәктәпкәчә белем бирү өлкәсендә дәүләт-шәхси партнёрлык проектларын гамәлгә ашыру өчен грант алуга бәйге үткәрелгән иде.

Бәйгедә катнашырга 17 проекттан гариза кабул итеп алынды. 12 гариза – Казаннан, 2 гариза – Яр Чаллыдан, берәр гариза – Түбән Кама, Яңа Чишмә, Чистай муниципаль районнарыннан. 10 проект бәйгенең җиңүчесе булып танылды.

Җиңүчеләргә грантлар җиһазлар (мебель, интерактив җиһазлар, аудио-видео техника һ.б.) белән биреләчәк, грант күләме:

- “Егоза” шәхси белем бирү учреждениесе (Казан) – 2 004815,9 сум;

- “Аннушка” шәхси мәктәпкәчә белем бирү учреждениесе (Казан) – 869393,7 сум;

- “Умка” шәхси мәктәпкәчә белем бирү учреждениесе (Казан) – 1 712584,2 сум;

- “Бибигон” иртә үсеш үзәге (Казан) – 318434,9 сум;

- “Кенгуру мәктәбе” дәүләтнеке булмаган белем бирү учреждениесе (Казан) – 1 442688,9 сум;

- “Сказочный” шәхси мәктәпкәчә белем бирү учреждениесе (Казан) -2 863041,4 сум;

- “Лукоморье” шәхси балалар бакчасы (Казан) – 2 863041,4 сум;

- “Созвездие” шәхси балалар бакчасы (Казан) – 1 150457,2 сум;

- ““Весна” балалар бакчасы” шәхси мәктәпкәчә белем бирү учреждениесе (Казан) – 1 431520,7 сум;

- “Умничка” дәүләтнеке булмаган мәктәпкәчә белем бирү учреждениесе (Яр Чаллы) – 1 431520,7 сум.

Куелачак җиһазларның күләме проектта игълан ителгән төркемнәр саны һәм аларның эш режимыннан бәйле.

Әлеге чараны гамәлгә ашыруга 16,5 мең сум күләмендә финанслау бүлеп бирелгән.