Рәфис Борһанов «Президент ярышлары»ның республика этабы финалын ачты
27 – 29нчы апрельдә Яр Чаллы шәһәрендә «Президент ярышлары» Бөтенроссия спорт уеннарының республика этабы финалы уза.
Ярышларда Әгерҗе, Азнакай, Әлки, Балтач, Бөгелмә, Югары Ослан, Зәй, Яшел Үзән, Кайбыч, Лениногорск, Нурлат, Мамадыш, Мөслим, Питрәч, Чирмешән, Чистай, Ютазы, Яр Чаллы, Казаннан барысы 10 шәһәр һәм 10 авыл командасы катнаша.
Спорт уеннарының ачылу тантанасында ТР Премьер-министры урынбасары – мәгариф һәм фән министры Рәфис Борһанов, Россия Федерациясе Федераль Собраниесе Дәүләт Думасы депутаты, «Бердәм Россия» сәяси партиясе - «Балалар спорты» проектының координаторы, Россиянең атказанган тренеры Ольга Павлова, Яр Чаллы Башкарма комитеты мәгариф һәм яшьләр эшләре буенча идарәсе җитәкчесе Винер Харисов, «Балалар спорты» иҗтимагый совет әгъзасы, Россия спортчысы, Пекинда узган Олимпия уеннары җиңүчесе, Россиянең атказанган спорт мастеры Гөлнара Галкина-Сәмитова катнашты.