Идел буе федераль округы кадетлар корпусында тәрбияләнүче Татарстан кадетлары Мәскәүдә Җиңү парады репетициясендә булдылар

2018 елның 7 мае, дүшәмбе

Бөек Ватан сугышында Җиңүнең 73 еллыгын бәйрәм итү көне алдыннан Мәскәүгә бару – балаларга яхшы укулары, олимпиадаларда, спорт ярышларында призлы урыннар алганнары өчен бүләк булды.

6нчы майда парадның генераль репетициясендә катнашучылар төгәл минутына кадәр туры китереп,  9нчы май көнне булачак тантананы  кабатлап узды. Быел бәйрәм парадында Россия Федерациясе Кораллы Көчләре шәхси составының 12 меңнән артык хәрби, 150дән артык берәмлек техника, шул исәптән өр-яңа корал үрнәкләре дә тәкъдим ителгән иде.