Агымдагы ел Бердәм дәүләт имтиханы нәтиҗәләре буенча Татарстанда 108 кеше 100 балл җыйган

Агымдагы ел Бердәм дәүләт имтиханы нәтиҗәләре буенча 108 кеше 100 балл җыйган. Узган ел максималь балл җыючылар 102 укучы булган.
100 балл җыючыларның күпчелеге (66 кеше) – рус теленнән. Ә математикадан бары ике кеше генә максималь балл җыйган.
Икенче урында – информатика һәм мәгълүмати коммуникацион технологияләр (22 кеше). Шулай ук тарихтан – бер, биологиядән – өч, химиядән – ун, рус әдәбиятыннан – ике, географиядән ике кеше 100 балл җыйган.
Министрлык мәгълүматларына караганда, Татарстанда 80 балл җыючылар – 4862 кеше, 95 һәм аннан да күбрәк балл җыючылар 726 кеше булган.