Бөтенроссия мәктәп укучылары олимпиадасының чираттагы призлы урыннарын Татарстан җыелма командасының өч укучысы алып кайтты

2019 елның 13 апреле, шимбә

Бу юлы балалар инглиз телен белүдә иң яхшысы булдылар. Кичә Мәскәү дәүләт лингвистика университетының актлар залында инглиз теле буенча Бөтенроссия мәктәп укучылары олимпиадасы финалын ябу тантанасы узды.

Ярышлар 7 – 12нче апрельдә Мәскәүдә үтте. Анда Россиянең 70 төбәгеннән 208 укучы катнашты.

Унберенче сыйныф укучылары инглиз теле буенча Бөтенроссия мәктәп укучылары олимпиадасы финалы призерлары булдылар:

- Илназ Гыйлаҗетдинов, Казан шәһәре Яңа Савин районының 132 нче урта гомуми белем бирү мәктәбенең 11нче сыйныф укучысы;

- Юлия Михно, Яр Чаллы шәһәренең 77 нче гимназиясенең 11нче сыйныф укучысы;

- Илья Великов, Саба муниципаль районы Шәмәрдән лицее укучысы.

Безнең котлаулар! Our congratulations! Зур уңышлар һәм яңа казанышлар!