“Иң яхшы инклюзив тәҗрибәләр фестивале" финалы иң яхшы педагогларны җыячак

2019 елның 19 апреле, җомга

25нче һәм 26нчы апрельдә «Дәрескә-бергә» федераль социаль проекты кысаларында узучы “Иң яхшы инклюзив практикалар фестивале " шәһәр конкурсының икенче (финал) этабы үткәреләчәк. Проектның инициаторы - Россиядә Ingka Centres компаниясе,  “Перспектива” инвалидларның Төбәк иҗтимагый оешмасы (Мәскәү шәһәре); проектны Казанда оештыручы - «Шәһәр мәгариф үзәге» хосусый белем бирү учреждениесе. Казан фестивале Казан шәһәре мәгариф идарәсе,  Республика мәктәптән тыш эшләр үзәге,  “ТИСБИ” Идарә университеты ярдәме белән оештырылды.