Президент ярышларының республика этабы җиңүчеләре билгеле булды

2019 елның 29 апреле, дүшәмбе

Азнакай районында мәктәп укучыларының “Президент ярышлары" Бөтенроссия спорт ярышларының республика этабы финалы узды. Ярышлар “Чатыр-Тау Арена" спорт комплексында үткәрелде. Ярышларның баш судьясы - Сергей Рожков.

Ярышларда Азнакай, Аксубай, Актаныш, Балтач, Бөгелмә, Югары Ослан, Зәй, Кайбыч, Лениногорск, Түбән Кама, Нурлат, Мамадыш, Мөслим, Питрәч, Сарман, Чистай, Ютазы муниципаль районнарыннан 19 шәһәр һәм авыл сыйныфлары командалары катнашты. Ярышларда катнашучыларның гомуми саны - 240 кеше.