«СОЮЗ-2019 – Җиңү варислары» җыенына дзюдо буенча юниорлар җыелма командасы тренеры Камил Магомедов килде

2019 елның 3 мае, җомга

Дзюдо буенча халыкара класслы спорт мастеры Камил Магомедов бу көннәрдә Казанда уза торган «СОЮЗ-2019-Җиңү варислары» хәрби-спорт оешмаларының һәм кадетлар корпусларының XVI Бөтенроссия яшьләр белем бирү җыенында булды. Ул Россиянең 32 регионыннан җыелган 600 катнашучы өчен мастер-класс үткәрде, җыенның тренер-укытучылар составы белән очрашты.