Яшь армиячеләр - Казанның 120нче мәктәбе укучылары - Мәскәүдән килгән мәңгелек ут лампадасын кабул иттеләр

2019 елның 7 мае, сишәмбе

Бүген Казанга Мәскәүдән поезд килде, анда Татарстан башкаласына Кремль дивары янында Билгесез солдат кабереннән Мәңгелек ут алып килделәр. Иртәгә Юдинода реконструкциядән соң тантаналы ачылачак Бөек Ватан сугышының яңа мемориаль комплексына Мәңгелек ут салынган лампаданы тапшырдылар.

120нче номерлы мәктәп укучыларына ут салынган капсуланы поезд башлыгы Эдуард Мускаринов тапшырды. Мәңгелек утлы лампаданы махсус саклагыч капсулада йөртәләр. Поезд вагонында пассажирлар иминлеген тәэмин итү өчен аерым урын бирелде, ут даими рәвештә Кызыл мәйданда аны кабул иткән хезмәткәрләр күзәтүе астында  булды.