А. П. Малышев исемендәге Столбище урта гомуми белем бирү мәктәбендә традицион рәвештә укучыларны кадетларга багышлау тантанасы булды. Тантаналы чара мәктәп ишегалдында ата-аналар, дуслары, мәктәп укучылары һәм ант бирергә тиешле кешеләр катнашында узды. Бәйрәм тантанасына шулай ук мөхтәрәм кунаклар – Столбище авыл җирлеге башкарма комитеты башлыгы Владимир Михеев, имам-хатыйб Дамир хәзрәт һәм башкалар да килгән иде. Кадетлар отрядын 28 кыз һәм малай тулыландырды.