Татарстан “Россия студентлар язы" фестиваленең Гран-при иясе булды

Татарстан Республикасы XXVII «Россия Студентлар язы» фестиваленең Гран-при яулады. Җиңүчеләрне Пермьдә фестивальнең финал гала-концертында игълан иттеләр.

Татарстан Республикасы делегациясен 98 талантлы иҗади егет һәм кыз тәкъдим итте, аларның күбесе - Татарстан башкаласы югары уку йортлары студентлары. Алар арасында Казан федераль университеты, Казан милли тикшеренү технология институты, Казан милли тикшеренү техник институты, Казан инновация университеты, «ТИСБИ» идарә институты, Казан дәүләт архитектура-төзелеш университеты һәм Казан дәүләт мәдәният институты студентлары да бар иде.

Казан студентлары фестивальнең барлык юнәлешләрендә лауреат булдылар: анимациядән алып вокалга кадәр, хореографиядән алып мода театрына кадәр. 3 көн дәвамында студентлар конкурсның сайлау турларын үттеләр, экспертлар белән очраштылар һәм Россиядә иң яхшы булу  өчен көрәштеләр.