Казан лицее укучысы Илдар Гайнуллин информатика буенча Халыкара олимпиадага Россия җыелма командасы составына керде

Информатика буенча XXXI Халыкара олимпиадада Россия данын яклаячак җыелма команда составы билгеләнде:

- Казан (Идел буе) федераль университетының  Н.И. Лобачевский исемендәге лицееннан Илдар Гайнуллин;

- Санкт-Петербург шәһәренең 239 нчы номерлы Президент физика-математика лицееннан Александр Морозов;

- Мәскәү шәһәренең  М. В. Ломоносов исемендәге МДУның А.Н.Колмогоров исемендәге  интернат-мәктәптән Владимир Романов;

• Мәскәү шәһәренең «интеллектуаль» мәктәбеннән Егор Лифарь.

Россия командасына кандидатларның укыту-тренировка җыеннары Мәскәү физика институтында узды. Аларда Мәскәү шәһәре һәм өлкәсеннән, Санкт-Петербург, Казан, Чиләбе, Рыбинск, Калининград, Всеволожск, Липецк, Саранск шәһәрләреннән 9 – 11нче сыйныфларның 20 укучысы катнашты.