Тантаналы бүләкләү чарасында Татарстанның IT-чемпионнары 135 смартфон алачак

30нчы апрельдә мәктәп укучылары арасында үткәрелгән «IT-чемпион» конкурсының икенче этабы төгәлләнде. Җиңүчеләрне бүләкләү тантанасы 23нче майда Казанда узачак.

Ике этапның гомуми зачетында  бөтен республикадан 120 меңнән артык конкурсант катнашты. Балалар ата-аналарны һәм башка өлкән туганнарын ТР Дәүләт хезмәтләре порталындагы хезмәтләрне дөрес һәм тиз итеп алырга өйрәттеләр, ә аннары алар башкарган һәр транзакция өчен баллар эшләделәр. Шуны да билгеләп үтәргә кирәк, бер балага баллар җыярга ярдәм итүче өлкән кешеләр саны чикләнмәгән иде - укучының җиңүгә мөмкинлекләре җәлеп ителгән өлкәннәр белән артты.

Конкурсның икенче этабында иң күп 11 мең балл җыйган укучы Кайбыч районыннан. Аның артыннан Теләче һәм Саба районы (11 544 һәм 9 333 балл) егетләре  бара.