КФУ абитуриентлары беренче тапкыр өйләреннән чыкмыйча онлайн-имтиханнар тапшыра ала

Быел беренче тапкыр Казан федераль университеты абитуриентлары өчен дистанцион технологияләр кулланып керү имтиханнарын тапшыру мөмкинлеге каралган. Бу хакта КФУның кабул итү комиссиясе җаваплы секретаре Олег Бодров хәбәр итте.

"Цифрлаштыру тизләтелгән темплар белән бара. Әйтик, өйдә булганда, техник таләпләрне үтәгәндә, абитуриент керү имтиханнарын КФУның кабул итү комиссиясе сайтында урнаштырылган вакытта бирә алачак. Опция, барыннан да элек, сәламәтлек мөмкинлекләре чикләнгән абитуриентлар өчен билгеләнгән», - дип билгеләп үтте Казан университетының кабул итү комиссиясе җаваплы секретаре Олег Бодров.

Ул аныклап узганча, калган барлык онлайн-имтихан дистанцион технологияләрне кулланып контракт нигезендә керү өчен генә каралган.