Рөстәм Миңнеханов: “Казан Экспо" WorldSkills Kazan-2019 ярышларында катнашучыларны кабул итәргә тулысынча әзер
Казанга эш сәфәре кысаларында Россия Федерациясе Хөкүмәте Рәисе урынбасары Татьяна Голикова 2019 елда Казанда «WorldSkills " стандартлары буенча һөнәри осталык буенча 45 нче дөнья чемпионатына әзерлек һәм аны уздыру буенча оештыру комитеты утырышын уздырды. Чарада Татарстан Республикасы Президенты Рөстәм Миңнеханов, Татарстан Премьер-министры Алексей Песошин, «Яшь профессионаллар (Ворлдскиллс Россия) " берлеге генераль директоры Роберт Уразов һәм башкалар катнашты.
Рөстәм Миңнеханов үз чыгышында билгеләп үткәнчә, бу көннәрдә Казанда «Яшь профессионаллар» VII Милли чемпионаты финалы уза, аның барышында барлык хезмәтләрнең, министрлыкларның һәм ведомстволарның, шулай ук «Казан Экспо»Халыкара күргәзмә үзәгенең ярышлар үткәрүгә әзерлеге тикшерелә.