Һөнәри осталык буенча WorldSkills Kazan-2019 дөнья чемпионаты кысаларында Татарстанның үзенчәлеген максималь рәвештә күрсәтергә кирәк. Бу хакта Татарстан Республикасы Президенты Рөстәм Миңнеханов «Казан Экспо» Халыкара күргәзмә үзәгендә «Яшь профессионаллар (WorldSkills Russia)»VII Милли чемпионаты финалы кысаларында ММЧ вәкилләре белән әңгәмә барышында белдерде.
"Милли чемпионат - WorldSkills дөнья чемпионатында булуның 95% дигән сүз. Беренчедән, бу безнең җыелма команданың бик яхшы әзерләнүе, чөнки алар барысы да ничек эшләгәнен чын күңелдән тоялар. Икенчедән, чемпионат кысаларында катнашучы барлык хезмәтләрнең әзерлеге тикшерелә», - диде Рөстәм Миңнеханов.