Татьяна Голикова РФ субъектларына 2019 елда БДИ әзерләү һәм үткәрүне шәхси контрольгә алырга кушты

2019 елның 23 мае, пәнҗешәмбе

Россия Федерациясе Хөкүмәте Рәисе урынбасары Татьяна Голикова Россия Федерациясе субъектларына 2019 елда Бердәм дәүләт имтиханын әзерләүне һәм үткәрүне шәхси контрольгә алуны йөкләде.

Голикова төбәкләр белән БДИ һәм җәйге балаларны савыктыру кампаниясен оештыру һәм үткәрү мәсьәләләре буенча селектор киңәшмәсе үткәрде. Киңәшмә йомгаклары буенча йөкләмәләр исемлеге Россия Хөкүмәте сайтында урнаштырылган.