Казанда Татарстанның иң яхшы студентларына махсус дәүләт стипендияләре тапшырылды

2019 елның 27 мае, дүшәмбе

Татарстанның 90 студенты 25 нче майда махсус дәүләт стипендиясен алды. Югары уку йортлары ректорлары советы тәкъдиме буенча ул бик яхшы өлгереш,  фәнни-гамәли конференцияләрдә һәм фән олимпиадаларында призлы урыннар өчен тапшырыла.

Стипендиатларны Татарстан Премьер-министры урынбасары – мәгариф һәм фән министры Рафис Борһанов, Татарстан Яшьләр эшләре министры Дамир Фәттахов һәм Казан (Идел буе) федераль университеты ректоры, ТР югары уку йортлары ректорлары советы рәисе Илшат Гафуров котлады.