Түбән Каманың иң яхшы химикларына исемле стипендияләр тапшырылды

2019 елның 30 мае, пәнҗешәмбе

Түбән Камада Николай Лемаев исемендәге яңа стипендия барлыкка килде. Аны ел саен бирү планлаштырыла. Алты студент 30 һәм 50 мең сум акча алган.

Барлык стипендиатлар да шәһәр өчен профильле учреждениеләрдә – нефть химиясе һәм нефть эшкәртү көллиятендә һәм химия-технология институтында белем ала.

Стипендиатларның бер өлешен Химиклар көне уңаеннан оештырылган тантаналарда ТР Президенты Рөстәм Миңнеханов катнашында бүләкләделәр.