Универсиада укучыларга зур өмет баглый

Мәгариф хезмәткәрләренең Мамадыш районында узган август киңәшмәсендә шундый яңалык яңгырады. Белем көнендә 45 минут дәвамында укучыларны 2013 елда узачак XXVII Бөтендөнья җәйге Универсиаданың асылы белән таныштырачаклар. Шул рәвешле бу чарага укучыларны да җәлеп итү күздә тотыла. 13,5 мең спортчы, 351 медаль комплекты, 27 спорт төре, 100 меңнән артык турист һәм җанатарны колачлар дип көтелгән Универсиадага бик аз вакыт калып бара. Шуңа күрә оештыру эшләренә мәгариф хезмәткәрләрен дә җәлеп ит¬мәкчеләр. Мәктәп укытучылары волонтерлык хәрәкәтен пропагандалау белән шөгыль¬лә¬нәчәк. Бөтендөнья җәйге Универсиада уеннарында 20000 волонтер катнашыр дип кө¬телә. Шул ук вакытта нәкъ шуның кадәр кеше, әлеге сафларны тулыландырырга те¬ләп, “Make U real” компания¬сенә мөрәҗәгать иткән инде. “Казан-2013” башкарма ди¬рекциясенең генераль директор ки¬ңәшчесе Лариса Сулиманың сүзләренә караганда, волонтерлыкка кандидатлар саны бу күрсәткечтән ким дигәндә 1,5 тапкыр артыграк булырга тиеш. “Шуңа күрә волонтерлар туплаганда республиканың мәгариф оеш¬малары белән дә хезмәттәшлек итәргә кирәк. Аеруча укытучыларның роле зур. Чөнки әлеге һөнәр ияләре Россиядә элек-электән иң абруйлылардан саналды. Педагоглар укучыларның сә¬ламәт һәм актив тормыш алып баруына йогынты ясар дип өметләнәбез”, – дип белдерде ул. Бу, үз чиратында, респуб¬ликадагы волонтерлык хә¬рә¬кәте үсешен тизләтер дип көтелә. Шушы юнәлештә шактый гына эш алып барылса да, оешканлык ягыннан Россия башка илләрдән шактый калыша. Европа иллә¬рендә волонтерлык эшчәнлегенә ха¬лыкның 60 проценты җәлеп ителсә, бездә бу сан 3-4 процент кына тәшкил итә. Әлеге күрсәткечләрне шактый үзгәртергә тишле “Универсиада дәре-се”ндә танылган спортчылар, артист, волонтер, җәйге Универсиада уеннары вәкилләре катнашыр дип көтелә. “Универсиада кебек масштаблы проектның чынлыкта нәрсә икәнен без бары тик аны үз күзләребез белән күргәч кенә аңлый алачакбыз, – дип белдерде ТР мә¬гариф һәм фән министры Альберт Гыйльметдинов. – Ләкин әлегә һәрберебез аны оештыру процессында катнашырга тиеш”. Министр шулай ук мәгариф хезмәткәрләренең бай тәҗрибәсе һәм энтузиазмы бу эштә аеруча нык ярдәм итәчәген дә искәртеп үтте.