10 миллион сумлык ярдәм

Яңа уку елында 37 меңнән артык баланың беренче сыйныфка укырга баруы көтелсә, шуларның 6 мең 132 се, ягъни 16,9 проценты ярдәмгә мохтаҗ. Алар “Мәктәпкә әзерлә¬нергә ярдәм ит!” акциясе кысаларында уку кирәк-ярак¬лары белән тәэмин ителәчәк. Моннан тыш, мондый ярдәм 20 меңнән артык 2-11 сыйныф укучысына да күрсәтеләчәк. – Бу бик кирәкле акция, бер бала да игътибарсыз калмаячак, бу – безнең бурыч, – дип белдерде ТР Президенты Рөстәм Миңнеханов быел Чаллыда әлеге акция старт алган вакытта. Билгеле булганча, әлеге бүләк аз керемле, күп балалы, инвалид балалары булган гаиләләргә, шул ук вакытта әти-әнисез калганнарга би¬релә. Әмма соңгы көннәрдә кайбер шәһәр-районнарда букчаларны барлык беренче сыйныф укучыларына да өләшә башладылар. Чал¬лының “КамАЗ” акционерлык жәмгыяте дә беренчеләргә булышуны гадәткә кертте. Әйтик, быел 6 меңгә якын укучыга матур букча бүләк ителәчәк. Яшел Үзән районында быел беренче мәртәбә барлык беренче сыйныф укучыларын сөен¬дерәчәкләр. Район мә¬гариф бүлеге башлыгы урынбасары Фәридә Шакирҗанова әйтү¬енчә, 1455 сабыйга җәмгысы 1миллион 380 мең сумлык ярдәм күрсәтеләчәк. Кайбер балалар аны ТР мәгариф һәм фән министры урынбасары Данил Мостафин кулыннан алырга өлгергән дә инде. Аксубай районы мәгариф бү¬леге методисты Гөлкәй Хәйрул¬лина белдергәнчә, бүген 109 беренче сыйныф укучысына букча тапшырылган. Шулай ук башка сыйныф укучыларына да булышачаклар. “Акчасы булмаган әти-әниләр бү¬ләккә бик сөенә. Чөнки сатып ала башласаң, букча өчен генә дә 500-600 сум акча кирәк. Ә безнең барлык кирәк-яраклар тутырылган букчаның бәясе 900 сумга төшә”, – ди Гөлкәй Илдус кызы. Кама Тамагында беренче сыйныфка барачак 185 баланың 35енә ике мең сумлык мәктәп кирәк-яраклары, спорт костюмнары салынган букчалар би¬релгән. Ига¬нәчеләр арасында ки¬емләтә ярдәм итүчеләр дә булган. Акция кысаларында барлыгы 10 миллион сумнан артык акча җыелган. Әмма соңгы нәтиҗә 3 сентябрьдә билгеле булачак. Бүләк алу – күңелле, әмма аны алганда әти-әниләр, балалар кимсенү хисе кичермиме икән? “Без аны Яңа ел бүләге кебек кабул иттек. Бер дә кимсенеп тормадык, шатланып алдык”, – ди Казанда яшәүче күп балалы әниләрнең берсе. Акция авыр хәлле гаилә-ләрдәге балалар мәктәпкә баргач, минем фәлән әйберем юк, дип башкалар янында читенсенмәс өчен үткә¬релә. Ә менә аны барлык балаларга да биргән районнар тәҗрибәсе, чыннан да, хупларлык. Бөтен кеше дә бер тигез дигәнне аңлата бу.