Халыкара биологик олимпиада призеры Денис Лисицкий Татарстан Республикасы мәгариф министрына үз медале турында сөйләде
ТР Мәгариф һәм фән министры Рафис Борһанов мәктәп укучылары өчен 30 нчы Халыкара биологик олимпиадада «көмеш» яулаган Чаллыдан Денис Лисицкий белән очрашты, аңа министрлыктан бүләк тапшырды һәм олимпиадачының җиңүгә ничек килүе турында сорашты.
«Халыкара олимпиаданың гамәли өлешендә экология буенча мәсьәләләр чишәргә, тавык муенын һәм канатларын ачарга һәм билгеле бер структураларны ябарга, ДНК һәм РНК буенча антибиотикларга каршы торуның сәбәбен ачыкларга, гальваник ячейка җыярга һ.б. кирәк иде. Теоретик өлештә биологиянең барлык тармаклары буенча бик күләмле мәсьәләләр булды, аларны тиз арада хәл итәргә, үз вакытыңны дөрес итеп бүләргә кирәк», — дип төгәллекләре белән уртаклашты Лисицкий һәм генетика буенча биремнәр аеруча катлаулы булуын өстәде.