ТР мәгариф һәм фән министры Альберт Гыйльметдинов Татарстан укучыларын Белем көне белән котлавы

Кадерле балалар, укучылар һәм студентлар! Хөрмәтле педагоглар һәм ата-аналар!
Чын күңелдән 1 сентябрьдә яңа уку елы башлану һәм белем көне уңаеннан котлаулар һәм иң изге теләкләрне кабул итегез!
1 сентябрьдә Татарстан Республикасының 2 меңгә якын мәктәбе 370 меңнән артык укучы өчен ачылды. Ә 37211 беренче сыйныф укучысы өчен мәктәп кыңгыравы беренче тапкыр яңгыраячак. Алар өчен ул онытылмаслык вакыйга. Чөнки аларны киләчәктә кызыклы тормыш көтә. Аларга мәктәптә файдалы белем алуларын телисе килә. Сезгә үз-үзегезгә ышаныч, тырышлык һәм яхшы билгеләр телибез.
Сезнең янәшәгездә һәрвакыт яхшы укытучылар булачак, алар сезгә мәктәп фәннәре генә укытып калмыйча, бәһасез тормыш тәҗрибәсе белән дә уртаклашачак. Һәркемнең дә укытучы була алмавы сер түгел. Бу һөнәр ияләре – ачык, иҗади, мавыгучан, инициативалы кешеләр, алар арасында очраклы һәм ваемсызлар юк. Укучыларга булган мәхәббәтегез, кайгыртучанлыгыгыз өчен рәхмәт.
Беренче сентябрь – укучылар һәм укытучылар, мәктәпкә озатучылар һәм каршы алучылар, һәр көнне “мәктәп автобусы”нда укырга йөртүчеләр, аларга төшке аш әзерләүчеләр, алар белән бергә иҗат һәм спорт белән шөгыльләнүчеләр дә бәйрәме. Барыгызга да сәламәтлек, бәхет һәм һөнәри җиңүләр сезгә!
Мәктәптә, училищеда, көллияттә, техникумда һәм вузда уку балаларга һәм укытучыларга-педагогларга шатлык алып килсен! Хәерле юл, дуслар!